A cadeira Eira é un exercicio de deseño que buscaba construír un cómodo asento, unha butaca na que pasar horas lendo sen necesidade de empregar ningún tipo de acolchado. Queríase conseguir este efecto a través da flexibilidade natural da madeira. Para iso, desenvolveuse un deseño baseado en chapas de madeira curvas que adaptaron a súa forma ao peso do corpo, recolléndoa e acomodándoa.

A estética resultante é moi característica e deu lugar a unha pequena colección de mobles.